skip navigation
skip to Contents



Notisia

Ministry of Interior

2018
Jan 2018

DILI-Segunda-Feira 19 Jeneiru 2018 Comissão Anti Corrupҫão (CAC), halao enkontru ho Diresaun Jeral Servisu Migrasaun (SM), nebe mak abertura direitamente husi S.E Ministru Defeza no Seguransa Sr. Jose Agostinho Siqueira “Somotxo”, iha salaun enkontru MDS Vila-Verde. Objetivu enkontru refere atu hare liu ba utilizasaun rekursu estadu nian nebe mak hetan iregularidade barak iha ministeriu relevante sira, hanesan kauza ida nebe sei fo influensia makas atu sobu povu nia moris diak hodi hafoer estadu nia dignidade no hamate integridade moral iha aspektu politiku no boa governasaun.


No Img No Img No Img

Dili-Iha loron Segunda Feira, 30 Janeiru 2017, Diresaun Jerál Servisu Migrasaun (DGSM), servisu hamutuk ho delegasaun sira husi UE (Uniaun Europeia), SEF (Servisu Estrangerio e Fronteira) no reprezentante husi Reino Unido (United Kingdom), hodi fo tan formasaun ba funsionariu Servisu Migrasaun hamutuk ema nain 20 iha area trafiku humanu, ho objetivu hodi garante nafatin funsionamentu instituisaun estadu iha téknika investigasaun kriminal nian. Diretor Geral Servisu Migrasaun, Superintendente Asistente Boavida Ribeiro iha abertura ba formasaun ne’e haktuir katak, formasaun ida ne’e atu hasa’e kapasidade membrus Servisu Migrasaun nian iha area fronteira no area operasional nian,


No Img No Img
Feb 2018

Díli-Kinta- Feira 1 Febreiru 2018, Ministeriu Defeza no Seguransa, Liu husi Diresaun Jeral Servisu Migrasaun ensera formasaun TOT ne’ebé realiza durante loron 4 ba Funsionariu Migrasaun Nain 10, iha Salaun MDS Vila-Verde. Iha enseramentu ne’e Adjuntu Servisu Migrasaun Sr. Ricardo K.Pade hodi Diretor Jeral Servisu Migrasaun, hato’o agradese ba formador sira, formasaun ne’e importante tenke nafatin hodi ba to’o iha futuru ba trafiku humanu nian. Husu ba partisipante sira habelar nafatin formasaun ne’ebé imi hetan, espera katak bele aproveita buat ruma hodi sai mós formador ba trafiku humanu, aprende presiza aplika beibeik no beibeik, hetan sertifikadu ne’e todan utiliza didiak, imi maka sei sai formador oinsa bele kontinua fo fila fali ba kolega sira seluk, iha responsabilidade

No Img No Img
Jul 2018

Covalima-Diresaun Geral Servisu Migrasaun (DGSM) iha segunda feira (02/07/2018), foin lalais ne’e, desimina informasaun durante loron ida kona-ba Krime Organizado no Moras HIV/SIDA ba autoridade lokál, lideransa komunitária, Juventude, komunidade, Unidade Polisia Fronteira (UPF), no estudante sira iha munisipiu Covalima, ne’ebé ofisialmente loke hosi Diretór Geral Servisu Migrasaun (DGSM), Superientendente Asistente Polisia, Boavida Ribeiro no Administradór Munisipiu Covalima, Sr. Afonso Nogueira Nahak akompaña hosi Diretora Diresaun Nasional Prevensaun Konflitu Komunitáriu (DNPKK), Sra. Lidia Lopes no Adjuntu Komandante Polisia Munisipiu Covalima. Desiminasaun ne’e, hala’o iha salaun munisipiu Covalima ho tema jerál “ Hamutuk Ita Kombate no Prevene Krime Organizado no Moras HIV/AIDS ”, ho motivu hasa’e koñesimentu partisipante sira-nian, atu kombate no prevene Krime Organizado hanesan Droga no Trafiku Umanu, nomós Moras HIV/AIDS iha sosiedade no sira-nia moris lor-loron. Intervensaun Diretór Geral Servisu Migrasaun (DGSM), Superientendente Asistente Policia, Boavida Ribeiro iha abertura katak desiminasaun hala’o iha munisipiu Covalima tanba haree munisipiu fronteira iha risku ba Drogra, Trafiku Umanu no HIV/SIDA. “Ami senti munisipiu Covalima hanesan munisipiu fronteira importante dunik presiza halo desiminasaun hanesan lala’ok prevensaun. Lala’ok prevensaun mai hosi ita-nia hahalok tanba moras sira ne’e, mai hosi moras kaan no gostu”. Afirma DGSM, Sr. Boavida Ribeiro. “HIV/SIDA ne’e mai hosi moras kaan no gostu, Trafiku Umanu ne’e mai hosi moras kaan no ekonomia, Droga mai hosi moras kaan no gostu, entaun ita-nia kaan no gostu mak estraga ita nia an rasik no ita-nia jerasaun. Oinsa atu prevene moras sira ne’e maka ita desimina informasaun ba malu, maibé depende individu ida-idak atu prevene nia an rasik, oinsa eduka ninia an ”, Tenik Superientendente Asistente Polisia ne’e. Diretor Geral haktuir katak tuir dadus ne’ebé iha Timor-Leste hahú hosi tinan 2013 to’o 2017 ema hamutuk 725 mak kontaminadu HIV/SIDA, mane 407 no feto 318, enkuantu mate hamutuk 92 no moris hamutuk 633. Sr. Boavida Ribeiro akresenta liu tan katak “ Trafiku Umanu la’os kestaun ki’ik hanesan moras kaan, gostu no akonomia, maibé ita la senti katak bainhira ema seluk mai aproveita ita, uza ita-nia forsa hodi halo serbisu, ema promete ita monu ema-nia lasu hodi ba rai seluk, ida ne’e ita sai ona vitima”. Iha fatin hanesan Administradór Munisipiu Covalima Sr. Afonso Nogueira Nahak katak programa desiminasaun ne’e importante tebes ba autoridade lokál, lidér komunitária no juventude sira iha munisipiu Covalima. “ Ha’u senti informasaun ne’e importante tebes, ba ami iha munisipiu Covalima tanba ami besik liu ho nasaun viziñu Indonesia, ne’ebé iha risku atu da’et moras HIV/SIDA, tranzaksaun Droga no pratika Trafiku Umanu”, dehan Administradór Munisipiu Covalima. “Ita iha munisipiu Covalima eziste moras HIV/SIDA, ne’e hanesan informasaun importante tebes, liu-liu ba ha’u nia nain Xefe Suku sira hanesan autoridade lokál no lidér komunitária iha suku 30, hanesan Fatumea, Fohorem, Tilomar presiza hatene hodi divulga fali informasaun sira ne’e ba komunidade no juventude sira. Atu hakotu no minimiza moras sira ne’e mak presiza rona informasaun hosi autoridade no superior sira hodi kontinua habelár ba ema seluk ”. Iha okazian ne’e Administradór husu agradese ba prezensa DGSM ne’ebé partilla informasaun ba autoridade lokál no lideransa komunitaria sira, liu-liu juventude atu prevene an hosi moras sira ne’e, hodi bele kontribui ba dezenvolvimentu iha munisipiu Covalima. Desiminasaun ne’e, fasilitadór hosi Diresaun Geral Serbisu Migrasaun, Xefe Investigasaun Kriminal no Pontu Fokal, Alfredo Abel no Xefe Peskiza Migratóriu, Amelita Hornai aprezenta kona-ba Trafiku Umanu, parte Servisu Investigasaun Kriminál (SIK-PNTL) ko’alia kona-ba Droga no Diretór Komisaun Nasional Kombate HIV/SIDA, Venâncio Coelho ko’alia kona-ba HIV/SIDA. Entertantu, atividade ne’e realiza tanba serbisu hamutuk entre Diresaun Geral Servisu Migrasaun (DGSM) ho Diresaun Nasional Prevensaun Konflitu Komunitáriu (DNPKK-MDS), ho parseria UN WOMEN, ne’ebé hetan apoiu fundus hosi Japaun. Tuir planu Diresaun Geral Servisu Migrasaun (DGSM), sei hala’o programa desiminasaun refere iha munisipiu Bobonaro no Rejiaun Administrativa Espesial Oecuse Ambeno (RAEOA).*CM

No Img No Img No Img

Dili-Diresaun Geral Servisu Migrasaun liu husi Sektor operasional ohin tuku 9 dader, loron Sesta feira,6 Jullu 2018, halo kapturasaun ba sidadaun estranjeiru nain 1, ne’ebe halo falsifikasaun ba dokumentus hodi hela ilegalmente iha Timor-Leste durante tinan 16. Sidadaun ne’e, ho naran Yuniria Gea husi nasaun Indoneza, ne’ebe hela ona iha Timor-Leste desde tinan 1999. Iha prosesu ne’e, Sra. Yuniria Gea, deklara ba jornalista sira katak, nia ema Timor oan no hela iha ne’e, desde tinan 1999. “Hau pesoalmente lakoi fila ba Indonezia tanba hau halo ona juramentu atu labele sama ain iha fronteira. Ida seluk maka, hau toman no hadomi ona Timor-Leste. Hau husu ba KBRI atu ajuda hau hela iha Timor. Tanba iha ne’e, hau halo komersiu iha area loja no restaurante. Hau mos hetan milagre husi Maromak, hodi bele kura ema moras nomos halo ema mate durante oras lima bele moris hikas fali. Hau lahalo sala bot ka krime bot ruma, hau nia sala ne’e tanba naran iha hau nia sertidaun lahanesan ho kartaun eleitoral. Maibe hau hakarak hatete katak, hau ema Atsabe hau nia uma lisan naran Ato Ubo. Hateten Sra. Yuniria. Hatan ba ida ne’e, Komandante Sektor Operasional, Servisu Migrasaun, Inspetur Asistente Fortunato Fausto Guterres, LicDir,M.H., ba media sira hatete, faktus hatudu momos katak, sidadaun ne’e, ema husi Sumatra. “Tuir lei Migrasaun Aziliu no 9/2003 junta lei numeru 11/2017, fo kompetensia ba SM atu halo kontrolu ba ema eatranjeiru sira iha ita nia rai. Tanba ne’e, iha loron hirak liu ba ita halo inspesaun rutina hodi detekta sidadaun ida ne’e, iha nia rezidansia Tasi Tolu, notifika katak nia hela laho autorizasaun no dokumentus komprativa. Sra. nee nia entrada mai Timor iha tinan 1999, konsege kaben ho ema Timor oan ida husi Mehara iha Lospalos no hela iha Manatuto. Wainhira halo prosesu , Sra. Yunia deklara katak, nia ema Timor oan, maibe wainhira ami verifikasaun ba dokumentus hotu, nia laos ema Timor oan. Dokumentus ne’ebe ami rekolha hatudu katak nia laos ema. Nia rejeita laos ema Indonezia, maibe faktus hatudu nia ema Sumatra no nia laen kaben mos hatete katak nia husi Indonezia. Nune’e, ohin ami mos husu apoiu husi Kedutaan Besar Republik Indonesia (KBRI) iha Timor-Leste, atu bele fo asitensia ba nia sidadaun durante loron sanulu hodi prosesa nia dokumentus. Komandante ne’e hatutan tan katak, “Lei kuandu hatete katak, nia tenke fila tanba konkorda no asina ona notisia abandona voluntariamente. Nia fila ba trata tiha nia dokumentus legal maka bele fila fali mai. Karik nia atu sai sidadaun Timor oan, nia tenke tuir lei ministeriu justisa nian. Tenik komandante operasaun SM ne’e. Entertantu, Sra. Novita Supit, nudar Ofisial Diplomátiku konsular husi KBRI iha Dili hatete katak, “Ida ne’e, ami nia servisu hodi ajuda ami nia sidadaun sira ne’ebe hela iha Timor-Leste. kondisaun saida deit mak akontese baa ami nia ema, ami sei halo kooperasaun hamutuk ho Migrasaun hodi halo klarifikasaun hamutuk tuir lei ne’ebe vigora. Ho situasaun ida ne’e, ami sei kontinua esforsu halo nafatin sosializasaun hodi fo hanorin ami nia ema, tanba ida ne’e mak ami nia serbisu atu hanorin sira labele kontra lei Servisu Migrasaun Timor-Leste nian

No Img No Img

Dili- Iha loron sesta feira ne’e, liu husi emisaun direta iha studio estasaun Radio Metro FM, iha frekuensia sia nulu resin ha’at pontu hitu Mega Hetz, (94.7 Mhz), Inspetor Xefi Polisia, Ricardo Moniz Pade, informa ba publiku katak, Servisu Migrasaun nia knar maka atu kontrola ema nia movimentu iha área fronteira, nomós ba estranjeiru sira nia atividade durante hela iha rai laran. “Diresaun Jeral Servisu Migrasaun hanesan diresaun jeral ida ne’ebe mak tutela ba Ministeriu Interior tuir Dekretu lei Númeru 350/2015, Loron 16 Fulan Setembru, Orgânika Ministériu Interior nian artigu 70, katak, Servisu Migrasaun hanesan servisu seguransa ho ninia misaun atu kontrola sirkulasaun ema hotu tama no sai iha fronteira terestre, portu, aeroportu nomos atividades ema estranjeirus iha teritoriu nasional, inklui investiga krime imigrasaun, hanesan kontrabandu umanu no trafiku umanu hanesan kolabora iha area prevensaun ba kriminalidade imigrasaun nian”. Iha intervista exklusivu ne’e, husu ba komunidade sira, liu-liu autoridade lokal sira, karik detekta sidadaun estranjeiru ruma deskonfia halao aktividades ilegais hanesan trafiku humanu, lalais informa ba polisia ne’ebe besik ou bele ba direitamente ba Servisu Migarasaun hodi bele halo identifikasaun. Alende ne’e, Komandante ne’e mos husu ba lider relijiozu sira bainhira atu fo kazamentu ba ema estranjeiru ho ema timoroan tenki hare didiak, tanba iha indikasaun katak, ema estrangeiru balu kaben ho Timor oan tanba hadomi dokumentus laos hadomi ema ho fuan. “ema estranjeiru sira kriminaliza “Casamento por convinensia” ho nia objetivu atu hetan vantajem/lukru jurídika, sosial nomos komprimisiu ho intrese ekonomia”. Hatete adjuntu Diretor jeral Migrasaun ne’e. Nia imforma tan katak, iha loron 19 fulan Maio tinan 2017, Lei Foun konaba Migrasaun no Azilu Nu: 11/2017, Promulgadu ona husi Prezidente da Republika Demokratika de Timor Leste, Maibe lei ida neé seidauk implementa hodi hein informasaun tuir mai, Informasaun konaba implementasaun ba Lei foun ida neé sei disemina ba entidade relevante sira. Ba Korpo Dipolmatiko sei informa husi Ministeriu Negosiu Estranjeiru liu husi Kanal Diplomata nian. Komandante ne’e mos hatete tan katak, mesmu ho difikuldade barak hanesan menus fasilidade nomos rekursu humanu, hanesan ema tekniku kontinua servisu ho responsabilidade ba iha funsaun de kontrola Imigrasaun Civis nian iha pontu pasajen de fronteira terestre, aereportu no portu sira hotu inklui operasaun rutina.

No Img No Img No Img
Aug 2018

Dili-Diresaun Jeral Servisu Migrasaun, iha loron Segunda feira ne’e, aprezenta atividade servisu ba Ministru Interior Interinu Dr. Filomeno Paixão de Jesus, konaba IT (Information and Technology) ne’ebe durante ne’e halo ona nomos planu servisu ne’ebe atu halo iha futuru. Liu-liu konaba, Enkuadramentu legal, lei organika Servisu Migrasaun, Lei Imigrasaun Azilu (LIA) No: 9/2003, lei Migrasaun no Azilu (LMA) No: 11/2017 inklui Sistema jestaun Fronteira modernu ne’ebe durante ne’e hetan apoiu tekniku husi SEF (Serviço de Estrangeiros e Fronteiras Portugal, Iha aprezentasaun, Diretor Geral Adjuntu, Inspetur Xefi polisia, Ricardo Moniz Pade hatete katak, mesmu lei foun sai ona maibe sei konsidera hodi impoin nafatin lei tuan balu. “Lei foun Migrasaun no Azilu (LMA) No: 11/2017 ne’e rasik hetan ona aprovasaun husi Parlamentu Nasional iha loron 7 Marsu 2017, promulga husi Prezidente Republika iha loron 19 Maiu 2017 no publika ona iha jornal da republika iha loron 24 Maiu 2017. Mesmu lei foun sai ona, maibe iha Artigu 160 , konaba Disposições transitórias - Regulamentação Lei 9/2003, 15/10 sei mantém nafatin iha vigor, too emisaun regulamento foun konaba Lei 11/2017. Nia hatutan “Projetu ba futuru maka E-Gate (Aeroportu Dili, Aerportu Oecusse), ligasaun baze de dadus ba pasaporte, ligasaun ho Interpol, estatutu pesoal foun, lei organika foun, kolokasaun adidu migrasaun iha rai liur nomos persija tebes edifisiu foun. Tenik Adjuntu Diretor Geral ne’e. Entertantu, Sarjentu Xefi Polisia, Domingos de Jesus nudar xefi IT, ne’ebe esplika konaba Sistema Jestaun Fronteira hatete katak. “Ba dadaun ne’e, equipamentu ba sistema kontrola fronteira nian, iha ona no halo tiha ona konfigurasaun téknika, maibe difikuldade ida ami parte tekniku sira enfrenta maka, koneksaun internet. Minimu ami persija 8 megabytes hodi halo ligasaun Internet entre Sede Servisu Migrasaun ho Postu Fronteira sira nomós hó Embaixadas sira. Iha rezumu ikus Diretor Geral Servisu Migrasaun, Superintendente Asistente Polisia, Boavida Ribeiro hatete katak, sistema ida ne’e importante tebes hodi halo kontrolu iha ita nia rai. “ Sistema Jestaun Kontrolu Fronteira ida ne’e, importante tebes ba ita hodi kombate diak liutan migrasaun ilegal. Problema maka falta liña intenet no orsamentu. Ami persija koneksaun ida ne’ebe bot hodi bele monta ekipamentu foun ne’ebe iha ona. Ita persija moderniza ita nia sistema, ho razaun ida katak, lakleurtan ita tama ona ba Azean. Hafoin aprezentasaun remata, Ministru Interior interinu ne’e, aprsesia ho aprezentasaun refere, no husu atu Diresaun Jeral Servisu Migrasaun prepara dadus konkreta hodi Ministru bele halo diskusaun diak liutan iha Konsellu Ministru nomos relata semanal ba Prezidente Republika.

No Img No Img No Img

Dili-Iha loron Sexta Feira ne’e, 10 Agostu 2018, Sekretariu Estadu Protesaun Sivil, Dr. Alexandrino Araújo, hala’o enkontru hamutuk ho kargu diresaun no xefias, inklui asesores juridikus sira, hodi defini konaba prioridades sira ba tinan 2019, hodi asegura integrasaun entre planeamentu no orsamentu, nune’e, bele sai hanesan matadalan ba Diresaun Jeral ida-idak iha Ministeriu Interior nia okos, hodi elobara planu orsamentál, liu-liu konaba implementasaun Programa Orsamentasaun (program budgeting). Enkontru ne’e hala’o iha salaun enkontru Ministerio Interior, Vila-Verde. Iha enkontru ne’e Sekretariu Estadu koalia konaba “preparasaun planu orsamentu 2019 tuir kalendariu finansas nian, iha dia 22 Agostu iha ona Jornada orsamental, tanba ne’e ita prepara kedas planu prioridades ne’ebe mak ita iha. Ne’e duni, husu ba Diretora Jeral Servisus Korporativus, Diretor Jeral Servisus Operasionais, Diretor Jeral Servisu Migrasaun ne’ebe iha esperensia ona, atu kontinua nafatin saida mak durante ne’e halao tiha ona, tanba hau mai iha ne’e atu diriji deit. Iha biban nee Sekretariu Estadu Protesaun Sivil husu ba diresoens tutelas sira “presija identifika dividas sira atu nune’e bele halo justifikasaun hodi preve kedas orsamentu, karik iha dividas iha tinan rua ou tolu liu ba labele tau hamutuk dividas sira nee too as, e depois lori too iha finansas sentral sira hare orsamentu ne’e boot demais e sira koa tiha problema boot”. Iha parte seluk mos “prepara planu prioridades 2019 nian hare ba kapasitasaun ezekusaun orsamentu ninian hare bazeia ba tinan ikus liu, orsamentu hira e hare tuir planu orsamentu 2018, Servisus operasionais e bombeiros sei integra iha protesaun sivil”. Iha okaziaun ne’e Sekretariu Estadu informa mos katak provizoriamente sei mai hala’o servisu provizoriu iha Ministeriu Interior hamutuk ho Ministru Interior Interino hodi hein membru Governu foun ne’ebe sei mai iha tempu badak

No Img No Img No Img